https://lukey.lu/index.php?action=history&feed=atom&title=Sproocherkennung
Sproocherkennung - Historique vun de Versiounen
2026-11-14T19:15:36Z
Versiounshistorique fir dës Säit op der Wiki
MediaWiki 1.43.11
https://lukey.lu/index.php?title=Sproocherkennung&diff=27&oldid=prev
Admin: Import aus content/pages
2026-11-13T16:04:53Z
<p>Import aus content/pages</p>
<p><b>Nei Säit</b></p><div>{{DISPLAYTITLE:Sproocherkennung: Online oder Lokal}}<br />
LuKey kann Är Stëmm op zwou Manéieren an Text ëmwandelen. Dir wielt beim éischte Start a kënnt et ëmmer an den Astellungen änneren.<br />
<br />
== De Verglach ==<br />
<br />
{| class="wikitable"<br />
!<br />
! scope="col" | Online (LuxASR-API)<br />
! scope="col" | Lokal (LuxASR medium-v1)<br />
|-<br />
! scope="row" | Wou gëtt transkribéiert?<br />
| Um LuxASR-Server vun der Universitéit Lëtzebuerg<br />
| Op Ärem iPhone<br />
|-<br />
! scope="row" | Internet<br />
| néideg<br />
| net néideg (just fir de Modell erofzelueden)<br />
|-<br />
! scope="row" | Genauegkeet<br />
| méi genee (méi grousse Modell)<br />
| gutt, e bësse manner genee<br />
|-<br />
! scope="row" | Geschwate Sprooch<br />
| Lëtzebuergesch oder Däitsch<br />
| just Lëtzebuergesch<br />
|-<br />
! scope="row" | Optiounen<br />
| Spriechertrennung, Hesitatiounen, Upload-Format<br />
| –<br />
|-<br />
! scope="row" | iPhone<br />
| all iPhone mat iOS 17 oder méi nei<br />
| iPhone 12 Pro, 13 Pro, 14 oder méi nei<br />
|-<br />
! scope="row" | Späicherplaz<br />
| –<br />
| ongeféier 650 MB<br />
|-<br />
! scope="row" | Är Stëmm<br />
| gëtt un d'Universitéit Lëtzebuerg geschéckt<br />
| verléisst Ären iPhone ni<br />
|}<br />
<br />
Wann Dir net sécher sidd: fänkt mat '''Online''' un. Wann Dir dacks ouni Internet sidd oder wëllt, datt Är Stëmm um iPhone bleift, wielt '''Lokal'''.<br />
<br />
== Ëmstellen ==<br />
<br />
[[File:astellungen-transkriptioun.png|right|230px|class=screenshot|alt=An den Astellungen: Transkriptioun mat de Choixen Online (LuxASR-API) a Lokal (LuxASR medium-v1)|An den Astellungen: Transkriptioun mat de Choixen Online (LuxASR-API) a Lokal (LuxASR medium-v1)]]<br />
<br />
# Tippt am Tab '''Notizen''' uewe lénks op d'Zännrad ('''Astellungen''').<br />
# Tippt ënner '''Sproocherkennung''' op '''Transkriptioun'''.<br />
# Wielt '''Online (LuxASR-API)''' oder '''Lokal (LuxASR medium-v1)'''.<br />
<br />
Wann Dir '''Lokal''' wielt an de Modell nach net erofgelueden ass, freet LuKey, ob en elo soll erofgeluede ginn. Benotzt wa méiglech WLAN.<br />
<br />
De lokale Modell brauch en iPhone mat mindestens 6 GB Aarbechtsspäicher. Op iPhonen mat manner Späicher, wéi den iPhone 11, 12, 13 oder SE, kann een '''Lokal''' net wielen. Do steet: „Lokal brauch en iPhone 12 Pro, 13 Pro, 14 oder méi nei.“<br />
<br />
== Online ==<br />
<br />
Mat ''Online'' gëtt Är Opnam als Ganzt un de LuxASR-Server geschéckt, wann Dir ofschléisst (net wärend Dir schwätzt), an den Text kënnt zréck.<br />
<br />
Laut der Universitéit bleiwen d'Donnéeën zu Lëtzebuerg, et gi keng Fichiere gespäichert an näischt gëtt fir Training benotzt oder un Drëtter weiderginn.<br />
<br />
Wann Dir '''Verwerfen''' oder '''Paus''' tippt, gëtt näischt geschéckt. Opnamen, déi méi kuerz wéi eng drëttel Sekonn sinn, ginn och net geschéckt.<br />
<br />
=== Wann de Server iwwerlaascht ass ===<br />
<br />
''Online'' ass déi genee Léisung an normalerweis séier, mee si hänkt dovun of, ob de Server vun der Universitéit disponibel ass. Wann vill Leit en zur selwechter Zäit benotzen, oder bei Ënnerhaltsaarbechten, kann eng Transkriptioun méi laang daueren oder souguer feelschloen.<br />
<br />
* Virum Diktéiere mat der Tastatur iwwerpréift LuKey, ob LuxASR disponibel ass, a proposéiert Iech, op ''Lokal'' ze wiesselen, wann de Server iwwerlaascht ass. Kuckt [[Tastatur#Wann LuxASR iwwerlaascht ass|Wann LuxASR iwwerlaascht ass]].<br />
* Op [https://luxasr.uni.lu luxasr.uni.lu] weist eng Luucht nieft dem Formulaire, wéi et dem Server geet: '''gréng''' heescht, en funktionéiert normal, '''giel''', en huet vill ze dinn, a '''rout''', en ass staark iwwerlaascht.<br />
* An der App geet eng Opnam, déi net transkribéiert konnt ginn, net verluer: Dir kënnt et méi spéit nach eng Kéier probéieren.<br />
<br />
LuKey benotzt d'LuxASR-API mat der Erlaabnes vum LuxASR-Team.<br />
<br />
=== Optiounen ===<br />
<br />
Just mat ''Online'' gëtt et an den [[Astellungen#Erkennung|Astellungen]] d'Optiounen '''Geschwate Sprooch''', '''Spriechertrennung''', '''Hesitatioune behalen''' an '''Upload-Format'''.<br />
<br />
== De lokale Modell ==<br />
<br />
[[File:lokale-modell.png|right|230px|class=screenshot|alt=Astellungen › Lokale Modell: LuxASR medium-v1, erofgelueden (654 MB) a fir dësen iPhone virbereet|Astellungen › Lokale Modell: LuxASR medium-v1, erofgelueden (654 MB) a fir dësen iPhone virbereet]]<br />
<br />
Mat ''Lokal'' benotzt LuKey '''medium-v1''', en oppene lëtzebuergesche Sproocherkennungsmodell vum LuxASR-Projet. Den Audio verléisst Ären iPhone ni, an Dir kënnt och am Fligermodus diktéieren.<br />
<br />
De Modell brauch zwee Schrëtt, ier Dir diktéiere kënnt. Dir gesitt se ënner '''Astellungen''' › '''Lokale Modell''':<br />
<br />
# '''Eroflueden''': de Modell gëtt eng Kéier erofgelueden (654 MB). Wann Dir beim éischte Start ''Lokal'' wielt, fänkt den Download direkt un. Den Download leeft weider, wann Dir d'App verloosst.<br />
# '''Virbereeden''': iOS preparéiert de Modell fir de Prozessor vun Ärem iPhone. Dat dauert ongeféier zwou Minutten. '''Loosst LuKey dobäi op''': wann Dir d'App verloosst, hält d'Virbereedung op a fänkt méi spéit nees un.<br />
<br />
D'Zäit, déi d'App fir d'Virbereedung uweist, ass eng Schätzung, bis Ären iPhone de Modell eng éischt Kéier virbereet huet. Si hänkt vum iPhone-Modell of a vun deem, wat en nach alles mécht.<br />
<br />
=== Firwat muss de Modell nees virbereet ginn? ===<br />
<br />
[[File:modell-virbereeden.png|right|230px|class=screenshot|alt=D'Meldung „De lokale Modell gëtt virbereet“, mat der Fortschrëttsanzeig uewen|D'Meldung „De lokale Modell gëtt virbereet“, mat der Fortschrëttsanzeig uewen]]<br />
<br />
No all Update vun der LuKey-App oder vum iOS läscht den iPhone déi virbereet Versioun vum Modell. Dofir muss en nees virbereet ginn.<br />
<br />
LuKey mécht dat automatesch, soubal Dir d'App opmaacht, a seet Iech et mat enger Meldung. Uewen an der App weist eng Leescht, wéi wäit et ass. Bleift a LuKey, bis et fäerdeg ass.<br />
<br />
Bis dohi weist d'[[Tastatur#Wann d'Tastatur „Virbereeden“ weist|LuKey-Tastatur]] '''Virbereeden''' amplaz '''Diktéieren''', an an den Notizen steet d'Virbereedung amplaz vum Mikro.<br />
<br />
=== De Modell läschen ===<br />
<br />
Fir Plaz op Ärem iPhone fräizemaachen, wëscht ënner '''Astellungen''' › '''Lokale Modell''' iwwer de Modell no lénks an tippt op '''Läschen'''.<br />
<br />
''Lokal'' bleift dobäi ausgewielt: LuKey wiesselt net vum selwen op ''Online''. Dir kënnt de Modell ëmmer nees eroflueden.<br />
<br />
== Méi iwwer LuxASR ==<br />
<br />
LuxASR ass e Sproocherkennungssystem fir Lëtzebuergesch. Et ëmfaasst d'Famill vun Open-Weight-Modeller, déi op Hugging Face publizéiert sinn, an och de leeschtungsstäerkste Modell, op deem den Online-Service LuxASR baséiert.<br />
<br />
* [https://luxasr.uni.lu luxasr.uni.lu]: den Online-Service<br />
* [https://infolux.uni.lu/lux-asr infolux.uni.lu]: Informatiounen iwwer de Projet<br />
* [https://huggingface.co/unilux huggingface.co/unilux]: déi oppe Modeller<br />
<br />
D'Modeller sinn © Universitéit Lëtzebuerg an ënner der OpenMDW-Lizenz 1.0 verëffentlecht. An der App fannt Dir d'Detailer ënner '''Astellungen''' › '''Iwwer LuxASR'''.</div>
Admin